ანტონი: "რეალი დავამარცხეთ და და ბარსელონასთან მოგებაც შეგვიძლია"

ბეტისის შემტევს, ანტონის სჯერა, რომ მის გუნდს ბარსელონას დამარცხება შეუძლია.

5 აპრილს მანუელ პელეგრინის გუნდი ჩემპიონატის ლიდერს სტუმრად დაუპირისპირდება.

„რთული თამაში გველის. ვიცით, რა მაგარი გუნდი ჰყავს ბარსას, ამიტომ ბევრი შრომა მოგვიწევს. ვხვდებით, რა უნდა გავაკეთოთ, რომ კარგი თამაში გამოგვივიდეს.

შეგვიძლია თუ არა მათი დამარცხება? კარგად უნდა მოვემზადოთ, ბარსელონას თამაში შევისწავლოთ. შეუძლებელი არ არის, ჩვენ წელს რეალი დავამარცხეთ. თუმცა, საამისოდ ბრწყინვალედ უნდა ვითამაშოთ." - აღნიშნა ემიუდან ბეტისში განათხოვრებულმა ბრაზილიელმა.