არაუხო ბარსელონას ახალ კონტრაქტზე შეუთანხმდა

იტალიელი სპორტული ჟურნალისტის, ფაბრიციო რომანოს ინფორმაციით, რონალდ არაუხო ბარსელონას ახალ კონტრაქტზე შეუთანხმდა.

მოთამაშესა და ბარსას სპორტულ დირექტორ დეკუს შორის პოზიტიური მოლაპარაკება გაიმართა.

კონტრაქტის დეტალებს მხარეები მომდევნო დღეებში განიხილავენ. ბარსელონა აპირებს, რომ ხელშეკრულება გავის, პედრისა და ლამინ იამალსაც გაუხანგრძლივოს.

ურუგვაელ მცველს ბლაუგრანასთან ამჟამინდელი კონტრაქტი 2026 წლის ივნისამდე აკავშირებს.

რამდენიმე დღის წინ დაიწერა, რომ იუვენტუსს არაუხოს გადაბირება სურდა და ტრანსფერი რეალურიც იყო, თუმცა სიტუაცია შეიცვალა და 25 წლის მოთამაშე ბარსელონაში რჩება.