ბარსელონა ბოლო წუთზე დამარცხდა - ატლეტიკო ლა ლიგაში გალიდერდა

ესპანეთის ლა ლიგის მე-18 ტურში ბარსელონამ მადრიდის ატლეტიკო მიიღო.

შეხვედრაში ანგარიში 30-ე წუთზე პედრიმ გახსნა და მასპინძლები დააწინაურა, საგოლე გადაცემა გავიმ მიითვალა.

პირველი ტაიმი კატალონიელთა გამარჯვებით 1-0 დასრულდა.

მე-60 წუთზე ანგარიში როდრიგო დე პაულმა გაათანაბრა. თითქოს მატჩი დასასრულისკენ ისე მიდიოდა, რომ გუნდებს ქულები უნდა გაეყოთ, თუმცა ასე არ მოხდა.

კომპენსირებული დროის ბოლო წუთზე ატლეტიკოს თავისი მომენტი შეექმნა, მოლინას პასის შემდეგ სორლოტმა გამარჯვების გოლი გაიტანა და როხიბლანკოს მნიშვნელოვანი 3 ქულა მოუტანა.

ამ გამარჯვებით სიმეონეს გუნდმა 41 ქულა დააგროვა და სატურნირო ცხრილში პირველ ადგილზე გადაინაცვლა.