BREAKING: მბაპე და ვინი გადარჩებიან, რუდიგერი - ვერა?

ჩემპიონთა ლიგის პირველ 1/4 ფინალში მადრიდის რეალს შესაძლოა ანტონიო რუდიგერი გამოაკლდეს.

Marca-ს ინფორმაციით, მადრიდულ კლუბში შიშობენ, რომ გერმანელ მცველს ატლეტიკოსთან გამარჯვების აღნიშვნისას ნაჩვენები გარკვეული ჟესტების გამო ერთმატჩიან დისკვალიფიკაციას მიანიჭებენ.

რუდიგერის გარდა გამოძიება მიმდინარეობდა დანი სებალიოსის, კილიან მბაპეს და ვინისიუსის წინააღმდეგაც, თუმცა სავარაუდოდ, მათ უეფა პირობით სასჯელს აკმარებს და ერთი მატჩის გამოტოვება მათ იგივეს მომავალში გამეორების შემთხვევაში დაემუქრებათ.

ოთხივე ამ ფეხბურთელის თაობაზე გადაწყვეტილება ხვალ, 4 აპრილს გახდება ცნობილი.

შეგახსენებთ, რომ არსენალთან პირველ მატჩში რეალს სამი ყვითელი ბარათის გამო ორელიან ჩუამენიც ვერ დაეხმარება.