ბრუნომ ბექსი ჩამოიტოვა - წინ მარსიალია

ბრუნო ფერნანდეშმა მანჩესტერ იუნაიტედის რიგებში გატანილი გოლების რაოდენობით ლეგენდარულ დევიდ ბექჰემს გადაუსწრო.

პორტუგალიელმა FA თასის მე-3 რაუნდში გუშინ არსენალის კარი აიღო და ეს მისთვის მანჩესტერის მაისურით 86-ე გოლი აღმოჩნდა.

ამ გოლით ბრუნომ 85-გოლიანი დევიდ ბექჰემი ჩამოიტოვა და მანჩესტერის ყველა დროის საუკეთესო ბომბარდირთა სიაში 21-ე ადგილზე გადაინაცვლა.

მე-20 პოზიციას 90 გოლით ანტონი მარსიალი იკავებს, კლუბის რეკორდსმენი კი უეინ რუნია 253 გოლით.