ბუდუს პირველი საგოლე ქმედება და დრამატულ მატჩში გადარჩენილი ქულა

ბუნდესლიგის მე-17 ტურში ბუდუ ზივზივაძის ახალი გუნდი ჰაიდენჰაიმი სტუმრად ბრემენის ვერდერს დაუპირისპირდა.

შეხვედრა უხვგოლიანი გამოდგა და ფრედ 3:3 დასრულდა.

ბუდუმ მოედანზე მთელი მატჩი ჩაატარა და მეორე გამათანაბრებელ გოლზე საგოლე პასიც მიითვალა - ქართველი ფორვარდისთვის ეს გერმანიის უმაღლეს დივიზიონში პირველი საგოლე მოქმედება აღმოჩნდა.

ბრემენელები სამჯერ იგებდნენ, თუმცა სამივეჯერ ჰაიდენჰაიმმა წონასწორობის აღდგენა მოახერხა - უკანასკნელი გოლი მსაჯის მიერ კომპენსირებულ წუთებზე გავიდა, როცა სტუმრებმა საბოლოო ანგარიში პირდაპირ საჯარიმო დარტყმით შეძლეს.

ზივზივაძემ ამ მატჩისთვის გამოცემა SofaScore-სგან თავის გუნდში ძირითადში მოთამაშე ფეხბურთელებს შორის ყველაზე მაღალი, 7.2 შეფასება მიიღო.

ჰაიდენჰაიმმა ბუდუს მისვლის შემდეგ ზედიზედ მეორე მატჩი არ წააგო - მაინცის დამარცხების შემდეგ გუნდმა ბრემენიდან მნიშვნელოვანი ქულა წამოიღო, 14 დააგროვა და გასავარდნი ზონიდან ამოვიდა.