ჩელსიმ პრემიერ ლიგაში ზედიზედ მეოთხე მატჩი ვერ მოიგო

პრემიერ ლიგის მე-20 ტურში ჩელსიმ სტუმრად ლონდონური დერბი ვერ მოიგო.

კრისტალ პალასთან გამართული შეხვედრა მარესკას გუნდმა ფრედ 1:1 დაასრულა.

მე-14 წუთზე ჯეიდონ სანჩოს პასით კოულ პალმერმა ჩელსი დააწინაურა, თუმცა მინიმალური უპირატესობა ლურჯებმა 82-ე წუთზე, მატეტას გოლის შემდეგ გაანიავეს და მორიგი ქულები დაკარგეს.

ჩელსიმ პრემიერ ლიგაში ზედიზედ მე-4 მატჩი ვერ მოიგო (2 ფრე, 2 მარცხი), 36 ქულა დააგროვა და მე-4 ადგილზე გადმოინაცვლა, პალასი კი 21 ქულით მე-15 პოზიციაზეა.