სიახლეები
სეტანტა
სპორტის გურუ
ქვიზები
Copyright © 2023 Adjarabet Arena. All Rights Reserved.
-
Aa
+
ფონტის ზომა
ევრო 2024-ის ჯგუფური ეტაპის ბოლო სათამაშო დღეს საქართველოს ნაკრები თავის მესამე და გადამწყვეტ მატჩს გამართავს პორტუგალიის ნაკრების წინააღმდეგ. ჩვენს ეროვნულ გუნდს ჯგუფიდან გასასვლელად მხოლოდ გამარჯვება სჭირდება.
პოზიტიურმა, აგრესიულმა და კარგად მომზადებულმა საქართველომ ევრო 2024-ზე თავისი კვალი დატოვა, მიუხედავად იმისა, რომ მხოლოდ ერთი ქულაა ჩვენს ანგარიშზე. ის ფაქტი, რომ ჯგუფიდან გასვლის შანსი მე-3 ტურის წინაც არსებობს, ვილი სანიოლის გუნდისთვის საამაყოა. მოწინააღმდეგე ჯგუფის გამარჯვებული პორტუგალია იქნება, თუმცა ამ ეტაპზე მეტოქის სტატუსს ქართველებისთვის მნიშვნელობა აღარ აქვს.
გუნდები ერთმანეთს ერთადერთხელ ევრო 2008-ის წინ ამხანაგურ მატჩში შეხვდნენ, სადაც პორტუგალიამ 2-0 ითამაშა. იმ დაპირისპირებაში კონაწილეობა კრიშტიანუ რონალდუმ და პეპემ მიიღეს. დღეს კი რობერტო მარტინესის გუნდი დიდი ალბაგობით ძირითადი შემადგენლობის წევრებს დაასვენებს და უფრო მშიერ მოთამაშეებს დატესტავს, თუმცა ეს საქართველოსთვის შვება არ იქნება და გიორგი მამარდაშვილს ალბათ ისევ ბევრი საქმე მოუწევს, ამასთან ჩვენებს დასაკარგი არაფერი აქვთ და შეეცდებიან, რომ სენსაციური გამარჯვება მოიპოვონ.
სავარაუდო შემადგენლობები: (UEFA.COM)
საქართველო: მამარდაშვილი; შენგელია, დვალი, კაშია, კვერკველია, გოჩოლეიშვილი; კიტეიშვილი, ქოჩორაშვილი, ჩაკვეტაძე; კვარაცხელია, ზივზივაძე.
დისკვალიფიკაციის საფრთხე: გველესიანი, კაშია, ქოჩორაშვილი, კვერკველია, მექვაბიშვილი.
პორტუგალია: დიოგუ კოშტა; ნელსონ სემედუ, ანტონიო სილვა, დანილო, დალო: პალინია, ჟოაო ნევეში, მატეუშ ნუნიეში: ჟოაო ფელიქსი, კრიშტიანუ რონალდუ, ფრანსისკო კონსეისაუ.
დისკვალიფიკაციის საფრთხე: კონსეისაუ, პალინია.
რა თქვეს მწვრთნელებმა?
ვილი სანიოლი: პორტუგალია ფანტასტიკური გუნდია ბევრი უმაღლესის კლასის მოთამაშით, თუმცა მიუხედავად ჯგუფიდან გასვლის მცირე შანსისა, მე და ჩემი მოთამაშეები ბოლო წამამდე ვიოცნებებთ. აქ ყოფნა უკვე დიდი ამბავია ჩვენთვის. ეს ბევრს ნიშნავს. ტურნირის წინ ვინმეს რომ ეთქვა, ბოლო მატჩის წინ შანსი კვლავ გექნებათო, ამაზე უსიტყვოდ დავთანხმდებოდი, მაგრამ ბუნებრივია, რომ ახლა მეტი გვინდა."
სანიოლი: "აღარ შემიძლია ამის მიღება"
რობერტო მარტინესი: "ეს მნიშვნელოვანი მატჩია, რადგან შედეგი გადაწყვეტს ვინ გავა შემდეგ ეტაპზე. ჩემი გუნდი მნიშვნელოვანი მოთამაშეებით სავსე იქნება. დიოგუ კოშტა კარში იდგება, რადგან მეკარის როტაცია არ მომწონს. მოკლე ტურნირია და საჭიროა, რომ დიოგუს ცენტრალურ მცველებთან კარგი კავშირი ჰქონდეს. რევოლუცია არ იქნება, მოედანზე კონკურენტუნარიანი გუნდი გამოვა, რომელიც გამარჯვებისთვის იბრძოლებს."
მარტინესი: "საქართველო ძალიან კარგი გუნდია"
ევრო 2024 - საქართველოსა და პორტუგალიის მატჩის მსაჯი ცნობილია
საქართველოს ნაკრები დღეს მხოლოდ გამარჯვებისთვის იბრძოლებს, რადგან ეს არის 1/8 ფინალში გასვლის ერთადერთი შანსი, თუმცა რაც არ უნდა მოხდეს, შეიძლება ითქვას, რომ ჩვენი ეროვნული გუნდისთვის სადებიუტო ევრო 2024 შედგა, ამაზე კი გულშემატკივრებისა და საფეხბურთო ექსპერტების საერთაშორისო აღიარება მიუთითებს.
დღევანდელი შეხვედრა საქართველოს დროით 23:00-ზე დაიწყება. შეხვედრა გელზენკირხენში გაიმართება.
თ
თაზო ჩარკვიანი
კომენტარები