პორტუგალიის ეროვნულ ნაკრებში ვითარება დაიძაბა.
ნორვეგიასთან გამართულ შეხვედრაში კრიშტიანუ რონალდუ სათადარიგო სკამზე დარჩა და მთავარმა მწვრთნელმა, ხორხე ჟესუსმა, ის მოედანზე საერთოდ არ შეიყვანა. ეს იყო პირველი შემთხვევა 2008 წლის შემდეგ, როდესაც ჯანმრთელმა რონალდუმ ოფიციალურ მატჩში ერთი წუთიც კი არ ითამაშა.
შეხვედრის დასრულების შემდეგ პორტუგალიელმა ვარსკვლავმა უკმაყოფილება ღიად გამოხატა. მან თანაგუნდელებთან ერთად გულშემატკივრებს მადლობა არ გადაუხადა და გასახდელში მარტო შევიდა. პორტუგალიური მედიის ცნობით, ნაკრებში შექმნილი დაძაბულობის განმუხტვის მიზნით სასწრაფო შეხვედრა გაიმართა, რომელშიც ფეხბურთელი, მწვრთნელი და ფედერაციის პრეზიდენტი მონაწილეობდნენ.
დანიასთან მატჩის წინ რონალდუმ გუნდის ვარჯიშიც გამოტოვა, რაც ოფიციალური ვერსიით სათანადო ეკიპირების არქონით განმარტეს. მიუხედავად ამისა, მოსალოდნელია, რომ ვეტერანი თავდამსხმელი დანიის წინააღმდეგ განაცხადში იქნება და მოედანზეც გამოვა.
