დიეგო ლოპესი: "თოფურიას მსუბუქ წონაში ბევრის მიღწევა შეუძლია"

UFC-ს ქვემსუბუქი წონის ჩემპიონობის კონტენდერმა, დიეგო ლოპესმა, მსუბუქ წონაში ილია თოფურიას პერსპექტივებზე ისაუბრა.

თოფურიას გათავისუფლებული ქამრისთვის სწორედ დიეგო ლოპესი შეებრძოლება ექს-ჩემპიონ ალექსანდრ ვოლკანოვსკის.

„თოფურიას მსუბუქ წონაში ბევრის მიღწევა შეუძლია. ის ჯერ ახალგაზრდაა და ამისათვის დრო ნამდვილად აქვს.

იმედი მაქვს, მე ვიქნები ჩემპიონი, როცა ის ქვემოთ გადაწყვეტს დაბრუნებას. მასთან ბრძოლას ვისურვებდი." - აღნიშნა დიეგო ლოპესმა.