სიახლეები
სეტანტა
სპორტის გურუ
ქვიზები
Copyright © 2023 Adjarabet Arena. All Rights Reserved.
-
Aa
+
ფონტის ზომა
სანტიაგო ბერნაბეუზე შტუტგარტთან გატანილი გოლით ენდრიკმა ისტორია დაწერა და გახდა ყველაზე ახალგაზრდა მადრიდისტა, ვისაც ჩემპიონთა ლიგაზე/თასზე გოლი გაუტანია. ბრაზილიელმა ეს 18 წლისა და 58 დღის ასაკში შეძლო და რაულის რეკორდი გააუმჯობესა, რომელმაც 1995 წელს ფერენცვაროშის კარში გოლი 18 წლისა და 113 დღის ასაკში გაიტანა.
"ძალიან გახარებული ვარ ჩემი დებიუტიდა და პირველი გოლით ჩემპიონთა ლიგაზე. ვფიქრობ, ჩემპიონატშიც ერთ-ერთი ყველაზე ახალგაზრდა ვარ, ვინც რეალში გოლი გაიტანა და დღესაც, მაგრამ ამას მნიშვნელობა არ აქვს. მნიშვნელოვანი გუნდის დახმარებაა.
მარჯვნივ შემოვედი და პირველ მოძრაობაში პასი ვინისიუსს გავუკეთე, მაგრამ ვერ გაიტანა. მეორე მომენტში მბაპე და ვინისიუსი მყავდა, მაგრამ საუკეთესო ვარიანტი დარტყმა იყო. როცა მოედანზე შემოვდიოდი, რუდიგერმა მითხრა, რომ გოლის გასატანად მზად ვყოფილიყავი. მთელი გუნდი გახარებულია ჩემპიონთა ლიგაზე პირველი გამარჯვებით, სასიამოვნოა ამ ხალხში ყოფნა." - განაცხადა ახალგაზრდა ბრაზილიელმა.
ენდრიკმა, რომელიც რეალს ზაფხულში პალმეირასიდან შეუერთდა, უკვე გაიტანა 2 გოლი. მას რამდენიმე წუთი დასჭირდა ჩემპიონთა ლიგაზე საოცარი გოლის გასატანად და ლა ლიგაში ჩატარებულ სადებიუტო მატჩშიც შეძლო ვალიადოლიდის კარის აღება.
თ
თაზო ჩარკვიანი
კომენტარები