არველაძე აიაქსი-რეალის ლეგენდების მატჩში ითამაშებს

17 ნოემბერს ამსტერდამში იოჰან კრუიფ არენაზე აიაქსისა და მადრიდის რეალის ლეგენდების მატჩი გაიმართება, რომელიც აიაქსის 125 წლის იუბილეს ეძღვნება.

ნიდერლანდური კლუბის ოფიციალური გვერდის ინფორმაციით ვიგებთ, რომ აიაქსის ლეგენდების შემადგენლობაში შოთა არველაძეც იქნება.

აიაქსი - ედვინ ვან დერ სარი, ფრანკ დე ბური, რონალდ დე ბური, არონ ვინტერი, სიმ დე იონგი, იარი ლიტმანენი, რაფაელ ვან დერ ვაარტი, კიკი მუსამპა, უესლი სნეიდერი, კრისტიან კივუ, შოთა არველაძე, დანი, რიკარდო ვან რინი

მწვრთნელები - ლუი ვან გაალი, სიაკ სვარტი, დანი ბლინდი

ჯერ-ჯერობით ცნობილია, რომ რეალის მხრიდან მატჩში მონაწილეობას იკერ კასილიასი, კრისტიან კარემბე, პაკო პავონი, რაულ ბრავო და სტივ მაკმანამანი მიიღებენ.

Welcome to the Ajax Legends squad: Shota, Dani & Ricardo! ✨

— AFC Ajax (@AFCAjax) September 19, 2024