"ეს იყო ბავშვის სიხარული" - პავარმა ბაიერნის გულშემატკივრებს მიმართა

ინტერის მცველმა ბენჟამინ პავარმა სოციალურ ქსელში ბაიერნის გაბრაზებულ გულშემატკივრებს მიმართა.

"ბაიერნმა გახადა შესაძლებელი, მე დღეს ასეთი მოთამაშე ვყოფილიყავი. ეს კლუბი ბევრი წელი ჩემი სახლი იყო.

არასდროს დავივიწყებ როგორი პატივი იყო, ვყოფილიყავი ბოლო მოთამაშე, რომელმაც 5-ნომრიანი მაისური ჩაიცვა და ატარა ლეგენდის მემკვიდრეობა (ფრანც ბეკენბაუერი).

ჩემი აღნიშვნა იმ ბავშვის სიხარული იყო, რომელმაც ჩემპიონთა ლიგის მეოთხედფინალში ითამაშა. ეს არ იყო უპატივცემულობა ბაიერნის გულშემატკივრების მიმართ.

დიდი სიყვარულით." - დაწერა ფრანგმა ფეხბურთელმა სოციალურ ქსელში.

პავარმა ბაიერნის გატანილი გოლი აღნიშნა, რამაც გერმანელი გულშემატკივრების გაღიზიანება გამოიწვია. მცველი ინტერში სწორედ რეკორდმაისტერიდან გადავიდა.