"ეს სამსახური მსოფლიო კლასის მწვრთნელს იმსახურებს" - ინგლისის დროებითი მწვრთნელი

ინგლისის ნაკრების დროებითი მწვრთნელი ლი კარსლი თანამდებობის დასატოვებლად ემზადება.

"ვფიქრობ, რომ ეს სამსახური იმსახურებს მსოფლიო კლასის მწვრთნელს, რომელსაც ტიტულები აქვს მოგებული.

მე ჯერ კიდევ ამ გზას ვადგავარ." - განაცხადა ირლანდიელმა სპეციალისტმა.

გარეთ საუთგეიტის 8-წლიანი მუშაობის შემდეგ, ინგლისის ნაკრებში ლი კარსლი დაინიშნა, რომელიც მანამდე სამი ლომის 21-წლამდელთა გუნდს წვრთნიდა.

ინგლისის ნაკრები ერთა ლიგის B დივიზიონში ასპარეზობს და 4 ტურის შემდეგ 3 მოგება აქვს. გუნდი 9 ქულით ჯგუფში მე-2 ადგილზეა და ლიდერ საბერძნეთს 3 ქულით ჩამორჩება.

ოქტომბრის სანაკრებო შესვენებაზე კარსლის გუნდმა უემბლიზე სწორედ ბერძნებთან 1-2 წააგო, ფინეთს კი სტუმრად 1-3 მოუგო.