გარი ლინეკერი ტოვებს გადაცემას, რომლის წამყვანიც 25 წელი იყო

BBC-ს ეთერში შოუ Match Of The Day-ს ბოლო 25 წლის წამყვანი, გარი ლინეკერი, თანამდებობას ტოვებს.

ამის შესახებ Sky News-მა ოფიციალურად დაადასტურა. ინგლისის ნაკრების ექს-ფორვარდი ამ გადაცემის წამყვანი 1999 წლის შემდეგ იყო.

სავარაუდოდ, ლინეკერი BBC-ში 2026 წლის მსოფლიო ჩემპიონატის ბოლომდე დარჩება. 

არაა გამორიცხული მისი უფრო დიდი ხნით დარჩენაც, თუმცა შოუს ნაცვლად, მან შესაძლოა პოდკასტებზე მუშაობა გადაიბაროს.

ბოლო წლებში ლინეკერი ერთ-ერთი ყველაზე მაღალანაზღაურებადი წამყვანი იყო - BBC-ს თანახმად, გასულ წელიწადში მან 1.35 მილიონი ფუნტი გამოიმუშავა.