გავის დაბრუნება ახლოვდება - მისთვის ახალი კონტრაქტიც მზადდება

იტალიელი ჟურნალისტის ფაბრიციო რომანოს ცნობით, გავის დაბრუნება ახლოვდება  და ბარსას სტაფი ემზადება, რომ მას მალე მწვანე შუქი აუნთოს.

პარალელურად ბარსელონას ხელმძღვანელები გეგმავენ გავისთან ახალი კონტრაქტის შესახებ მოლაპარაკებები გამართონ, კლუბში ესპანელს პროექტის მნიშვნელოვან ნაწილად მიიჩნევენ.

ბარსელონაში გავის და პედრის კონტრაქტები ახლა პრიორიტეტული საკითხებია.

გავიმ მუხლის მძიმე ტრავმა 2023 წლის ნოემბერში საქართველოს ნაკრებთან მატჩში მიიღო და მას შემდეგ რეაბილიტაციის პროცესს გადის.

20 წლის ესპანელს ბარსელონასთან კონტრაქტი 2026 წლის ივნისამდე აკავშირებს.