იამალმა მოედანი კოჭლობით დატოვა - 17 წლის ვინგერის წინასწარი დიაგნოზი ცნობილია

ლამინ იამალს მარცხენა ფეხის კუნთის გადატვირთვა დაუდგინეს.

ასეთი წინასწარი ვერდიქტი გამოიტანეს ესპანეთის ნაკრების ექიმებმა დანიასთან (1:0) მატჩის შემდეგ, რომელშიც ბარსელონას ვინგერი 93-ე წუთზე შეიცვალა.

მოედნის დატოვებისას იამალი კოჭლობდა და როგორც პრესა წერს, გასახდელშიც უჭირდა თავისუფლად გადაადგილება.

საბოლოო დიაგნოზი დღეს, სამედიცინო შემოწმებით დადასტურდება, თუმცა კატალონიური პრესა წერს, რომ მძიმე ტრავმასგან წესით საქმე არ უნდა გვქონდეს.