იუვემ მოიგო - სიტის წარუმატებელი პერიოდი გრძელდება

უეფას ჩემპიონთა ლიგის მე-6 ტურში ტურინის იუვენტუსმა საკუთარ მოედანზე მანჩესტერ სიტი მიიღო.

შეხვედრის პირველი ტაიმი უგოლოდ დასრულდა, მასპინძლებმა გადამწყვეტი უპირატესობა მეორე ტაიმში მოიპოვეს.

53-ე წუთზე ანგარიში ქენან ილდიზის პასით დუშან ვლაჰოვიჩმა გახსნა, 75-ე წუთზე კი ტიმოთი ვეას გადაცემის შემდეგ სხვაობა ორამდე ვესტონ მაკკენიმ გაზარდა.

იუვენტუსმა სიტი 2-0 დაამარცხა. გვარდიოლას გუნდმა ჩემპიონთა ლიგაზე ზედიზედ 3 მატჩი ვერ მოიგო, ყველა ტურნირზე კი ბოლო 10 შეხვედრაში მხოლოდ 1 მოგება აქვს.

იუვენტუსს 6 მატჩის შემდეგ 11 ქულა აქვს და ცხრილში მე-14 ადგილზეა, სიტი კი 8 ქულით 22-ე პოზიციაზეა.