იუვენტუსი კვლავ დაუმარცხებელია - მე-11 ფრე სერია ა-ში

იტალიის სერია ა-ს მე-18 ტურში ტურინის იუვენტუსმა საკუთარ მოედანზე ფიორენტინა მიიღო.

შეხვედრაში ანგარიში მე-20 წუთზე კეპრენ ტურამმ გახსნა. 38-ე წუთზე კი ყოფილი გუნდის წინააღმდეგ თავი მოიზე კინმა გამოიჩინა და ანგარიში გაათანაბრა.

იტალიელმა გოლი პატივისცემის ნიშნად არ აღნიშნა, პირველი ტაიმი კი 1-1 დასრულდა.

მეორე ტაიმის სტარტზე, 48-ე წუთზე ტურამმა დუბლი შეასრულა და იუვენტუსი კვლავ წინ გაიყვანა.

ტურინელები მატჩის მოგებასთან ახლოს იყვნენ, თუმცა რიკარდო სოტილმა 87-ე წუთზე წონასწორობა აღადგინა და შეხვედრა ფრედ, 2-2 დასრულდა.

ტიაგო მოტას გუნდი 18 მატჩის შემდეგ სერია ა-ში კვლავ დაუმარცხებელია, თუმცა გუნდი მაინც მე-6 ადგილზეა32 ქულით, ეს კი იმის გამო, რომ ბიანკონერის ანგარიშზე 7 მოგება და 11 ფრეა.

ფიორენტინასაც 32 ქულა აქვს, თუმცა ფლორენციელებს ერთი თამაშით ნაკლები აქვთ ჩატარებული.