მილანმა მწვრთნელი გაუშვა, მას თანამემამულე შეცვლის

მილანის ოფიციალური გვერდის განცხადებით, პაულო ფონსეკა გუნდის მთავარი მწვრთნელი აღარ იქნება.

პორტუგალიელი როსონერიში გასულ ზაფხულს დაინიშნა, მისი გათავისუფლების გადაწყვეტილება კლუბმა რომასთან 1-1 დასრულებული მატჩის შემდეგ მიიღო.

მილანი 17 თამაშის შემდეგ სერია ა-ს სატურნირო ცხრილში 27 ქულით მე-8 ადგილზეა და ჩემპიონთა ლიგის ზონას 8 ქულით ჩამორჩება.

იტალიურ პრესაში გავრცელებული ცნობებით, უკვე ცნობილია ვინ გაწვრთნის მილანს. ფონსეკას თანამემამულე სერჟიო კონსეისაო შეცვლის, რომელიც უკვე დათანხმდა შემოთავაზებას.

პორტუს ყოფილი მწვრთნელი კონტრაქტს 2026 წლამდე გააფორმებს.