იუვენტუსის დაცვის ლიდერმა მუხლის ჯვარედინი მყესები გაიწყვიტა

იუვენტუსის დაცვის ლიდერმა, გრეისონ ბრემერმა მუხლის ჯვარედინი მყესები გაიწყვიტა.

ფეხბურთელმა დაზიანება ლაიფციგთან გუშინდელი მატჩის საწყის წუთებზე მიიღო და მოედანზე ადგილი გატის დაუთმო.

დღევანდელმა გამოკვლევამ მუხლის ჯვარედინი მყესების გაწყვეტა დაადასტურა.

ტრავმის გამო ბრემერს დიდი ალბათობით სეზონის დარჩენილი ნაწილი სრულად გაუცდება.