NBA და ეროვნული საკალათბურთო მოთამაშეთა ასოციაცია (NBPA) კოლექტიურად შეთანხმდნენ, რომ დეტროიტ პისტონსის მცველი კეიდ კანინგემი და ლოს-ანჯელეს ლეიკერსის მცველი ლუკა დონჩიჩი უფლებამოსილნი არიან 2025-26 წლების NBA-ის რეგულარული სეზონის ყველა წლიური ჯილდოს მისაღებად.
კანინგემმა 63 მატჩში ითამაშა, იმის გამო, რომ 12 მატჩი ფილტვის კოლაფსის გამო გამოტოვა, რომელიც 17 მარტს დაუდგინდა. დონჩიჩმა 64 მატჩში ითამაშა, იმის გამო, რომ ორი მატჩი სლოვენიაში თავისი ქალიშვილის დაბადებაზე დასასწრებად გამოტოვა.
NBA და NBPA შეთანხმდნენ, რომ კანინგემისა და დონჩიჩის შემთხვევაში, გარემოებების გათვალისწინებით, ორივე მოთამაშე აკმაყოფილებს ჯილდოებზე დაშვების მოთხოვნებს CBA-ს „განსაკუთრებული გარემოებების“ დებულების მიხედვით.
გარდა ამისა, მინესოტა ტიმბერვულვზის მცველმა ენტონი ედვარდსმა, რომელმაც 60 მატჩში ითამაშა, CBA-ს ფარგლებში წარადგინა „განსაკუთრებული გარემოებების“ მოთხოვნა და მოითხოვა ჯილდოებზე დაშვება დამოუკიდებელი არბიტრის წინაშე.
ედვარდსის მოთხოვნა უარყოფილი იქნა და შედეგად, იგი არ არის უფლებამოსილი 2025-26 წლების NBA-ის რეგულარული სეზონის წლიური ჯილდოების მიღებისთვის.
,,მინდა მადლობა გადავუხადო NBPA-ს, რომ ჩემს ინტერესებს იცავდა, და NBA-ს - სამართლიანი გადაწყვეტილებისთვის. ჩემთვის ძალიან მნიშვნელოვანი იყო დეკემბერში ჩემი ქალიშვილის დაბადებას დავსწრებოდი და მადლიერი ვარ მარკის, ჯინის, რობის, ჯეი ჯეის და მთლიანად ლეიკერსის ორგანიზაციის, რომ სრულად დამიჭირეს მხარი და მომცეს შესაძლებლობა იქ ვყოფილიყავი.
ეს სეზონი ჩემთვის განსაკუთრებული იყო იმის გამო, რასაც მე და ჩემმა თანაგუნდელებმა ერთად მივაღწიეთ, და დიდი პატივია, რომ მაქვს შესაძლებლობა, ლიგის სეზონის ბოლოს ჯილდოებისთვის განვიხილებოდე." - დაწერა დონჩიჩმა სოციალურ ქსელში.
