სიახლეები
სეტანტა
სპორტის გურუ
ქვიზები
Copyright © 2023 Adjarabet Arena. All Rights Reserved.
-
Aa
+
ფონტის ზომა
ჩემპიონთა ლიგის საკვალიფიკაციო ეტაპის პლეიოფის პირველ მატჩში დანიურმა მიდტიულანდმა სლოვაკურ სლოვანს უმასპინძლა. სტუმართა სასტარტო შემადგენლობაში იყო გურამ კაშია, რომელმაც შეხვედრა სრულად ჩაატარა.
მატჩის პირველი ტაიმი უგოლოდ დასრულდა. 59-ე წუთზე სლოვანის მხრიდან ანგარიში სესარ ბლექმენმა გახსნა, თუმცა სტუმრებმა უპირატესობის შენარჩუნება ვერ შეძლეს და 79-ე წუთზე ედვარდ ჩილუფია აღადგინა წონასწორობა.
შეხვედრა 1-1 დასრულდა და შესაბამისად ყველაფერი განმეორებით თამაშში გადაწყდება, რომელიც 28 აგვისტოს ბრატისლავაში გაიმართება.
გურამ კაშიამ დანიურ გუნდთან თამაშში სიტუაცია 9-ჯერ განმუხტა, მეტოქე ფეხბურთელტა დარტყმული კი 2-ჯერ დაბლოკა. საქართველოს ეროვნული ნაკრების კაპიტანი ჩემპიონთა ლიგაზე გასვლასთან ერთ ნაბიჯშია.
მიდტიულანდისა და სლოვანის მატჩის პარალელურად კიდევ 3 შეხვედრა ჩატარდა.
დინამო კიევი (უკრაინა) 0-2 ზალცბურგი (ავსტრია)
მალმო (შვედეთი) 0-2 სპარტა პრაღა (ჩეხეთი)
იანგ ბოიზი (შვეიცარია) 3-2 გალათასარაი (თურქეთი)
პლეიოფის 3 თამაში ჩატარდა 20 აგვისტოს.
ბოდო/გლიმტი (ნორვეგია) 2-1 ცრვენა ზვეზდა (სერბეთი)
დინამო ზაგრები (ხორვატია) 3-0 ყარაბაღი (აზერბაიჯანი)
ლილი (საფრანგეთი) 2-0 სლავია პრაღა (ჩეხეთი)
გუნდებს შორის განმეორებითი მატჩები 27-28 აგვისტოს გაიმართება და გაირკვევა იმ 7 გუნდის ვინაობა, რომელიც ჩემპიონთა ლიგის 2024/25 წლების სეზონს დააკომპლექტებს.
თ
თაზო ჩარკვიანი
კომენტარები