დვალიშვილი: "არ გაგიკვირდეთ, თუ ო'მალი დავანოკაუტე"

UFC 306-ზე შონ ო'მალისთან საჩემპიონო ბრძოლის წინ მერაბ დვალიშვილმა MMA Fighting-თან ისაუბრა.

"როცა წელზე ოქროს ქამარს საბოლოოდ მოვირგებ, ძალიან ამაყი ვიქნები, რადგან ვიცი, რომ არაფერი მიმიღია საჩუქრად. შრომა მიწევდა ყველაფრისთვის, რაც მივიღე და ძალიან ვიამაყებ, თუმცა უკვე ვამაყობ ჩემი თავით. მე აქ ვარ და ვიბრძვი ბოლომდე, წნეხი ან რაიმე მსგავსი არ მაქვს. ეს ჩემთვის განსაკუთრებული იქნება, მაგრამ პირველ რიგში ეს ბრძოლა უნდა მოვიგო.

ეს რთული გამოწვევაა ჩემთვის. შონ ო'მალი კარგი მებრძოლია და ამიტომაც ყოველთვის მინდოდა მასთან ბრძოლა. მინდა, რომ ეს ბრძოლა მოვიგო. არ მინდა, რომ ზედმეტი ვიფიქრო და ვიყეყეჩო. პირველ რიგში ბრძოლა უნდა მოვიგო და შემდეგ შეგვიძლია ვილაპარაკოთ. ერთი რამ ნამდვილად ასეა, რომ ბევრს ვშრომობ და ძალიან მშიერი ვარ.

შონმა გადაღების დროს შეხვედრისას მითხრა: "რა იქნება განსხვავება შენსა და ალჯოს შორის? შენც მასნაირად დაგანოკაუტებ." პირველ რიგში, მას ალჯო არ დაუნოკაუტებია. დიახ, მან ის დააგდო, მაგრამ მსაჯმა ბრძოლა ადრე გააჩერა. მეორე რიგში, ყველა ბრძოლა განსხვავებულია. ალჯო მას კიდევ 10-ჯერ რომ შეხვდეს, მჯერა, რომ 9-ჯერ დაამარცხებს. იგივეა ჩემს შემთვხვევაშიც.

ჩემი დაუფასებლობა არ გამოვა. მე მებრძოლი ვარ. აქ მძიმე შრომამ მომიყვვანა და ჩემ მიმართ პატივისცემა უნდა გამოიჩინო. თუ პატივისცემას არ მანახებ, ნახეთ რა გავაკეთე პიოტრ იანის წინააღმდეგ? იმავეს ვიზამ შონ ო'მალისთანაც. იანმა არ დამანახა პატივისცემა და შესაბამისი პასუხიც გავეცი. არ მომწონს ასეთი დამცირების მოყვარული ხალხი, ვინც ზემოდან გიყურებს და ჰგონიათ, რომ შენზე უკეთესები არიან, როცა ერთნაირები ვართ. ჩვენ მებრძოლები ვართ, შეიძლება მე უკეთესიც ვიყო, ამას მალე გავიგებთ.

მინდა, რომ შონ ო'მალი დავანოკაუტო და ასეც ვიზამ. თქვენ გაოცდებით. უყურეთ ბრძოლას და ნახავთ. ვიცი, ხალხი ფიქრობს, რომ მე გრეპლერი ვარ, თუმცა მე განსხვავებულ უნარებს ვაჩვენებ. მე მას დავანოკაუტებ. ყველაფერს ნახავთ.

ერთი რამ ნამდვილად ასეა, რომ მე ბევრს ვშრომობ და ძალიან მშიერი ვარ. ბევრ ადამიანს გავაოცებ. არ გაგიკვირდეთ, თუ ის დავანოკაუტე." - განაცხადა ქართველმა მებრძოლმა.

15 სექტემბერს, UFC 306-ზე მერაბ დვალიშვილი საჩემპიონო ბრძოლაში ამერიკელ შონ ო'მალის დაუპირისპირდება.

ქვიზი: რამდენად კარგად გახსოვს მერაბ დვალიშვილის განვლილი გზა?