Copyright © 2023 Adjarabet Arena. All Rights Reserved.
-
Aa
+
ფონტის ზომა
ჩემპიონთა ლიგის საკვალიფიკაციო ეტაპის პლეიოფში ერთმანეთს დანიური მიდტიულანდი და სლოვაკური სლოვანი დაუპირისპირდებიან.
ქართველი გულშემატკივრებისთვის ამ წყვილში მხარის არჩევა შესაძლოა მარტივი აღმოჩნდეს, რადგან ბრატისლავური გუნდის შემადგენლობაში საქართველოს ეროვნული ნაკრების კაპიტანი გურამ კაშია ასპარეზობს და ის კარიერაში პირველად შეეცდება, რომ ჩემპიონთა ლიგაზე ითამაშოს.
ასევე ჩვენი ნაკრების ყოფილი მწვრთნელის ვლადიმირ ვაისის გუნდმა პირველ საკვალიფიკაციო ეტაპზე მაკედონიური შტრუგა დაამარცხა ორი მატჩის ჯამში 3-6. შემდეგ სლოვანმა 6-1 გაანადგურა სლოვენიური ცელიე.
მესამე ეტაპზე ქართველი მცველების დუელი ვიხილეთ - გურამ კაშია ლაშა დვალს დაუპირისპირდა, სლოვანმა კი აპოელი ორმატჩიან დუელში 0-2 დაამარცხა და პლეიოფში გავიდა.
საოცნებო ევროპის ჩემპიონატზე ასპარეზობის შემდეგ გურამ კაშია ახლოსაა, რომ კარიერის კიდევ ერთ მიზანს მიაღწიოს და მთავარ საკლუბო ტურნირზე - ჩემპიონთა ლიგაზე ითამაშოს.
ამისთვის საჭიროა, რომ სლოვანმა ორმატჩიან დუელში დანიურ მიდტიულანდს აჯობოს, რომელმაც გზად ანდორული სანტა კოლომა და უნგრული ფერენცვაროში გაიარა.
განმეორებითი მატჩი 28 აგვისტოს ბრატისლავაში გაიმართება.
თ
თაზო ჩარკვიანი
კომენტარები