კოპა დელ რეის ბოლო ექვს სეზონში ექვსი სხვადასხვა გამარჯვებული ჰყავს

ესპანეთში კოპა დელ რეის სხვადასხვა გუნდები იგებენ.

 

ბოლო ექვს სეზონში ტურნირს ექვსი სხვადასხვა გამარჯვებული ჰყავდა.

 

2019 წელს სამეფო თასი ვალენსიამ მოიგო, როცა ფინალში ბარსელონას 2:1 აჯობა. 

 

2020-ში ტურნირის ფინალი პანდემიის გამო ერთი წლის დაგვიანებით, 2021-ში ჩატარდა, რომელშიც სოსიედადმა ბილბაო 1:0 დაამარცხა.

 

2021-ში, წინა ფინალიდან ორ კვირაში, ბილბაომ კიდევ ერთი გადამწყვეტი მატჩი, ამჯერად ბარსელონასთან წააგო - 0:4.

 

2022-ში ფინალურ შეხვედრაში გიორგი მამარდაშვილის ვალენსია ბეტისთან პენალტების სერიაში დამარცხდა და ანდალუსიური კლუბი სამეფო თასის მფლობელი გახდა.

 

2023-ში რეალმა გადამწყვეტ მატჩში ტურნირის სენსაცია ოსასუნა 2:1 დაამარცხა.

 

გუშინდელ ფინალურ მატჩში კი ბილბაო და მალიორკა დაუპირისპირდნენ და 40-წლიანი პაუზის შემდეგ პირველად, ბასკური კლუბი ნანატრ ტიტულს ისტორიაში 24-ედ დაეუფლა.