კვარაცხელია წლის საუკეთესო ფეხბურთელის ჯილდოზე ფინალისტებს შორის მოხვდა

ცნობილი გახდა Globe Soccer Awards-ის ჯილდოს წლის საუკეთესო ფეხბურთელის ფინალური ნომინანტები.

თავდაპირველად 25 ნომინანტი გამოქვეყნდა, ახლა კი ეს სია 15 ფეხბურთელამდე შემცირდა. ფინალისტებს შორის მოხვდა ქართველი შემტევი ხვიჩა კვარაცხელიაც. მთლიანობაში, პსჟ-დან საბოლოო სიაში 6 მოთამაშე მოხვდა.

უსმან დემბელე, დეზირე დუა, აშრაფ ჰაკიმი, ხვიჩა კვარაცხელია, ნუნო მენდეში, ვიტინია (ყველა პსჟ), ერლინგ ჰალანდი (მან სიტი), მო სალაჰი (ლივერპული), ვინისიუსი, კილიან მბაპე (ორივე რეალი), რობერტ ლევანდოვსკი, რაფინია, ლამინ იამალი, პედრი (ყველა ბარსელონა), კოულ პალმერი (ჩელსი).

შარშან ამ ჯილდოს გამარჯვებული ვინისიუს ჯუნიორი გახდა.

Globe Soccer Awards-ის ყოველწლიური დაჯილდოება დუბაიში, 28 დეკემბერს გაიმართება.