ლამპარდი: "ნიჭის თვალსაზრისით, მესი ისტორიაში საუკეთესოა, რონალდუმ კი საკუთარი თავი შექმნა"

ლეგენდარულმა ინგლისელმა ნახევარმცველმა, ფრენკ ლამპარდმა, კრიშტიანუ რონალდუ და ლეო მესი შეადარა ერთმანეთს.

- თქვენ მესის გულშემატკივარი ხართ, თუ რონალდუს? რას ფიქრობთ ორივეზე?

ეს შედარებები არ მომწონს. ორივეს წინააღმდეგ მაქვს ნათამაშები, უფრო მეტჯერ - რონალდუს, როცა ის ჯერ კიდევ მან იუნაიტედში ასპარეზობდა. მესის წინააღმდეგ კი ვითამაშე მაშინ, როცა ბარსაში იყო.

ინდივიდუალობის და ნიჭის თვალსაზრისთ მესი ისტორიაში უდიდესია, პირადად ჩემი აზრით. თუმცა, ის, თუ როგორ შექმნა კრიშტიანუმ საკუთარი თავი, მისი გოლები, თამაშზე გავლენა, საქმისადმი დამოკიდებულება, წყურვილი, რომელიც დღემდე ნარჩუნდება...

ორივეს თანაბრად ვცემ პატივს. ვფიქრობ, უსამართლობაა, ერთის მეორეზე მაღლა დაყენება. ჩემთვის პატივია, რომ ორივეს წინააღმდეგ მომეცა თამაშის შესაძლებლობა - უმაღლესი დონის ფეხბურთელების." - აღნიშნა ლამპარდმა.