ლეო მესის პირად მცველს აშშ-ში მოედანზე შევარდნა აუკრძალეს

ლეო მესის პირად მცველს აშშ-ში მატჩების დროს მინდორზე გასვლა აუკრძალეს.

იასინ ჩუეკო - ინტერ მაიამის და არგენტინის ნაკრების ლიდერის, ლეო მესის პირადი მცველი, აშშ-ს ყოფილი ჯარისკაცია, რომელსაც MMA-ში აქვს რამდენიმე ბრძოლა ჩატარებული და ასევე, კარგად ფლობს კრივსა და ტაეკვანდოს.

აქამდე ის არაერთხელ შევარდა მინდორზე, რათა ლეო მესისკენ ავტოგრაფისთვის ან სურათისთვის მიმავალი გულშემატკივრებისთვის გზა გადაეღობა. თუმცა, ამას ვეღარ გააკეთებს.

„აშშ-ში მოედანზე შესვლა ამიკრძალეს. ევროპაში შვიდი წელი მაქვს ნამუშევარი - ლიგა 1-ის და ჩემპიონთა ლიგის მატჩეზეც. ამ პერიოდში, მოედანზე მხოლოდ ექვსი ფეხბურთელი შევარდა.

აშშ-ში ჩამოვედი და 20 თვეში, რაც აქ ვარ, მოედანზე უკვე 16 ფეხბურთელი შევარდა, აქ ეს დიდი პრობლემაა. პრობლემა მე არ ვარ, მომეცით საშუალება ლეო დავიცვა.

მომწონს MLS და კონკაკაფი, მაგრამ ჩვენ ამ სიტუაციის აღმოსაფხვრელად ერთად უნდა ვიმუშავოთ. მომწონს, როცა ადამიანს ვეხმარები. საუკეთესო არ ვარ, მაგრამ ევროპაში მიღებული გამოცდილება მიმაგრებს ზურგს.

თუმცა, რა გაეწყობა, ეს გადაწყვეტილება ჩემთვის გასაგებია." - აღნიშნა ჩუეკომ.