ლევერკუზენის მოგებათა სერია დორტმუნდში გაგრძელდა

გერმანიის ბუნდესლიგის მე-16 ტურში დორტმუნდმა სიგნალ იდუნა პარკზე ლევერკუზენი მიიღო. საოცარი გამოვიდა მატჩის საწყისი 19 წუთი, რადგან გულშემატკივარმა 4 გოლი იხილა.

ანგარიში პირველივე წუთზე სტუმრებმა გახსნეს. ლევერკუზენი ნათან ტელამ დააწინაურა, მე-8 წუთზე უკვე პატრიკ შიკმა გაიტანა გოლი და სხვაობა ორამდე გაზარდა.

მე-12 წუთზე ჯეიმი გიტენსმა ერთი ბურთი გაქვითა, თუმცა მე-19 წუთზე შიკმა დუბლი შეასრულა და სხვაობა კვლავ ორბურთიანი გახადა. პირველი ტაიმი ბაიერის გამარჯვებით 1-3 დასრულდა.

მეორე ტაიმი ასეთი უხვგოლიანი აღარ გამოდგა. ერთადერთი გოლი 79-ე წუთზე გავიდა, როცა სერუ გირასიმ პენალტი ზუსტად შეასრულა და სხვაობა მინიმუმამდე დაიყვანა.

დარჩჩენილი დრო დორტმუნდს აღარ ეყო მინიმუმ ქულის ასაღებად და შეხვედრა სტუმრების გამარჯვებით 2-3 დასრულდა.

ლევერკუზენს ყველა ტურნირზე 9-მატჩიანი მოგებათა სერია აქვს, ჩაბი ალონსოს გუნდს ბუნდესლიგაში ჩატარებული 16 შეხვედრის შემდეგ 35 ქულა აქვს და მე-2 ადგილზეა. ლიდერ ბაიერნთან ჩამორჩენა მხოლოდ 1 ქულაა, თუმცა მიუნხენურ გუნდს ამ ტურში თავისი მატჩი ჩასატარებელი აქვს.