ლივერპული რეალს დაუხვდება - მე-5 ტური საინტერესო მატჩებით გრძელდება

უეფას ჩემპიონთა ლიგის მე-5 ტურის მეორე სათამაშო დღეს საინტერესო მატჩები შედგება.

ნაადრევ ორ მატჩში ქართველი გულშემატკივრისთვის გამორჩეული შეხვედრაც იქნება.

ოთარ კიტეიშვილის შტურმი საკუთარ მოედანზე ესპანურ ჟირონას მიიღებს. ავსტრიული გუნდი შეეცდება ლიგის ამ სეზონში პირველი წაუგებელი მატჩი ჩაატაროს და ან ქულა, უკეთეს შემთხვევაში კი 3 ქულა მოიპოვოს. ჟირონას 4 მატჩიდან 1 გამარჯვება აქვს და ისიც ქართველი ფეხბურთელის გუნდთან, ესპანელებმა სლოვანი დაამარცხეს.

დღის ცენტრალური მატჩი ენფილდზე შედგება, სადაც ლივერპული ლიგის მოქმედ ჩემპიონ მადრიდის რეალს მიიღებს. მადრიდელები ინგლისში დიდი დანაკლისით ჩადიან, გუნდს სულ ახლახანს ვინისიუს ჟუნიორიც გამოაკლდა, ასპარეზი კი კილიან მბაპეს მიეცემა. კარგ ფორმაში მყოფ ლივერპულს კი შანსი ეძლევა, რომ ბოლოდროინდელი წაგებების გამო სამეფო კლუბთან რევანში აიღოს.

არნე სლოტის გუნდი შეეცდება ლიგაზე მოგებათა სერია გააგრძელოს და 5-დან მეხუთე მატჩი მოიგოს, თავის მხრივ ანჩელოტის გუნდსაც წაგების ფუფუნება არ აქვს, რადგან გუნდს მხოლოდ 6 ქულა აქვს და საპლეიოფო ზონაში ადგილი არ აქვს გამყარებული.

კიდევ ერთი საინტერესო მატჩი გაიმართება ინგლისში, სადაც ასტონ ვილა ვილა პარკზე იუვენტუსს მიიღებს. ლივერპულის მსგავსად ბირმინგემელებიც დაუმარცხებლები არიან და შეეცდებიან, რომ ეს სერია არ დასრულდეს.

პარალელურად კიდევ ერთი ქართველი ფეხბურთელის გუნდი ითამაშებს. ირაკლი აზაროვი და დონეცკის შახტარი პსვ-ს ნიდერლანდებში ესტუმრებიან. პსვ-ს 5 ქულა აქვს, უკრაინულ გუნდს კი - 4, შესაბამისად ამ მატჩს დადებით შედეგს ორივე გუნდისთვის დიდი მნიშვნელობა აქვს.

21:45 

ცრვენა ზვეზდა - შტუტგარტი

შტურმ გრაცი - ჟირონა

23:59

ასტონ ვილა - იუვენტუსი

ბოლონია - ლილი

სელტიკი - ბრიუგე

დინამო ზაგრები - დორტმუნდი

ლივერპული - რეალი

მონაკო - ბენფიკა

პსვ - შახტარი

ჩემპიონთა ლიგის თამაშების ყურება უფასოდ adjarabetarena.com-ზე შეგიძლიათ.