მადრიდის რეალმა მორიგი ტიტული მოიგო

საკონტინენტთაშორისო თასის ფინალში მადრიდის რეალმა მექსიკური პაჩუკა 3:0 გაანადგურა.

შეხვედრა დოჰაში, სტადიონ ლუსაილზე გაიმართა - იქ, სადაც ზუსტად ორი წლის წინ, 2022 წლის მუნდიალის ფინალი შედგა.

ამ ტურნირის ფინალში მონაწილეობა რეალმა გასულ სეზონში ჩემპიონთა ლიგის მოგებით გაინაღდა.

მადრიდელთა რიგებში გოლები კილიან მბაპემ, როდრიგომ და ვინისიუსმა (პენალტი) გაიტანეს და რეალმა მშვიდი და დამაჯერებელი გამარჯვება მოიპოვა.