მახაჩევი: "თუ საჭიროა, თოფურიასთან ვიჩხუბებ"

UFC-ის მსუბუქი წონის ჩემპიონმა ისლამ მახაჩევმა ილია თოფურიაზე ისაუბრა.

"ილია ჩემპიონია და ჩვენ აუცილებლად გვექნება მასთან საუბარი. ის ჩემზე სულ ლაპარაკობს. ალბათ უნდა, რომ ჩემთან რაღაცები გაარკვიოს, ამიტომ ვისაუბრებთ.

ჩვენ ვიჩხუბებთ, თუ საჭირო იქნება". - განაცხადა რუსმა მებრძოლმა Match TV-სთან საუბარში.

ილია თოფურიაც ისლამ მახაჩევთან ბრძოლას განიხილავს და როგორც ქართველმა ჩემპიონმა მაქს ჰოლოუეის დანოკაუტების შემდეგ თქვა, თუ ვინმეს ისლამის საბმიშენით დამარცხება შეუძლია, ეს თავადაა.

იმასთან ერთად, რომ მახაჩევი მსუბუქი წონის ჩემპიონია, ის UFC-ის საერთო რეიტინგში პირველი მებრძოლია, ილია თოფურია კი ამავე რეიტინგში მე-4 პოზიციაზე იმყოფება.