"ვწუხვარ, რომ ჩვენი ქვეყანა ასეთი გამოწვევის წინაშე დგას" - ალექსანდრე თოფურია

ალექსანდრე თოფურია საქართველოში მიმდინარე მოვლენებს გამოეხმაურა.

"როგორც ვხედავ, საქართველოში სიტყვის თავისუფლებას მინიმუმ ერთრაუნდიანი ბრძოლის ფასი აქვს, მნიშვნელობა არ აქვს ქალი ხარ თუ კაცი, ბავშვი თუ მოზარდი.

ბუნებრივია, რომ ხალხი გაბრაზებული გამოვიდა იმის გასაპროტესტებლად, თუ რა გადაწყვეტილება მიიღო ხელისუფლებამ ევროკავშირში გაწევრიანებასთან დაკავშირებით.

სახელმწიფოს თმენის ვალდებულება გააჩნია ყველაზე განრისხებული მოქალაქის ქცევის მიმართაც კი!

როგორც ადამიანს და როგორც ქართველს, ძალიან მიჭირს ასეთი მძიმე კადრების ყურება. ვწუხვარ, რომ ჩვენი ქვეყანა ასეთი გამოწვევის წინაშე დგას". - წერს ქართველი მებრძოლი სოციალურ ქსელში.