ძაკარდო: "კვარას კონტრაქტი? თავდაჯერებული ვარ"

კრისტიან ძაკარდომ იტალიურ Sky Sport-თან ნაპოლისა და ხვიჩა კვარაცხელიაზე ისაუბრა.

"ნაპოლი სოლიდური გუნდია, რომელიც თავს კარგად იცავს. როცა ისინი წინ გადიან, ძალიან რთულია თამაშის შემოტრიალება.

კვარაცხელიასაც კარგი პერიოდი აქვს, ეს მისი მე-3 სეზონია ნაპოლიში. მან პირველ ცდაზე სკუდეტო მოიგო, შემდეგ მთელ გუნდთან ერთად უიღბლო წელი ჰქონდა. ახლა კი მისი მე-3 წელია ნეაპოლიტანურ კლუბში.

ჩვენ საოცარ მოთამაშეზე ვსაუბრობთ, რომელიც უმაღლესი დონისაა. ჩემთვის კვარა ტოპ მოთამაშეა."

ძაკარდოს კვარაცხელიას კონტრაქტის შესახებაც ჰკითხეს:

"მისი მომავალი მის ხელშია. თავისი თვისებებით მას მხოლოდ შეუძლია გაიზარდოს და განვითარდეს. მე თავდაჯერებული ვარ". - განაცხადა იტალიელმა.

შეგახსენებთ, რომ კრისტიან ძაკარდო ქართველი შემტევის ერთ-ერთი წარმომადგენელია, რომელმაც ნაპოლიში მის ტრანსფერში დიდი წვლილი შეიტანა.