მორიგი მარცხი - რომას ვერც რანიერი შველის

სეზონის მე-3 მწვრთნელის დანიშვნის შემდეგ რომა კვლავ მოუგებელია.

სერია ა-ს მე-14 ტურში კლაუდიო რანიერის გუნდმა ატალანტას უმასპინძლა და 0:2 დამარცხდა.

69-ე წუთზე დე როონმა გახსნა ანგარიში, წერტილი კი 89-ზე რომას ექს-ფეხბურთელმა, ნიკოლო ძანიოლომ დასვა.

რომაში დაბრუნების შემდეგ, ეს რანიერის მე-3 მატჩი იყო და მან ჯერჯერობით გამარჯვების მოპოვება ვერ შეძლო - სერია ა-ში გუნდმა 2-ვე წააგო, ევროპა ლიგაზე კი ტოტენჰემთან მარცხს ბოლო წუთებზე გადაურჩა.

ბოლო 5 მატჩში რომას სერია ა-ში 4 მარცხი აქვს (თანაც ზედიზედ) და გუნდი 13 ქულით მე-15 პოზიიას ისე იკავებს, რომ გასავარდნ ზონამდე 2 ქულა აშორებს მხოლოდ.