იუვენტუსს სამი ქულა ხელიდან ბოლო წუთებზე გაუვარდა

სერია ა-ს მე-14 ტურში იუვენტუსმა ლეჩესთან გამარჯვება ბოლო წუთზე გაუშვა ხელიდან.

შეხვედრა სტადიონ ვია დელ მარეზე გაიმართა და ფრედ 1:1 დასრულდა.

პირველი ტაიმის უგოლო ფრედ დასრულების შემდეგ, 68-ე წუთზე იუვე კამბიასოს გოლით დაწინაურდა. 

თუმცა, მოტას გუნდმა საქმის ბოლომდე მიყვანა ვერ შეძლო და 90+3 წუთზე ვეტერანი ანტე რებიჩისგან გაუშვა გამათანაბრებელი გოლი.

14 ტურის შემდეგ 26 ქულით იუვე მე-6 ადგილს იკავებს და მეოთხეადგილოსან ფიორენტინას 2 ქულით ჩამორჩება, რომელმაც თავისი ტურის მატჩი დღეს ინტერთან ფეხბურთელის შეუძლოდ გახდომის გამო ვერ ჩაამთავრა.