ფიორენტინას მოთამაშე უგონოდ დაეცა - ინტერთან მატჩი შეწყდა

იტალიის სერია ა-ს მე-14 ტურში ფიორენტინასა და ინტერის მატჩი შეწყდა და გადაიდო.

მიზეზი შეხვედრის მე-17 წუთზე ფლორენციელთა 22 წლის მოთამაშის ედოარდო ბოვეს მოედანზე უგონოდ დაცემაა.  ფეხბურთელი სასწრაფოდ გადაიყვანეს საავადმყოფოში. 

იტალიური Repubblica-ს ჟურნალისტის, მატეო დოველინის ინფორმაციით, ბოვე გონს მოვიდა და დამოუკიდებლად სუნთქავს, დამატებითი ცნობები ჯერ-ჯერობით არ ვრცელდება.

ფიორენტინასა და ინტერის მატჩი გაურკვეველი დროით გადაიდო.