მეოთხე წაუგებელი დერბი მაურიციო სარისთვის - ლაციო თასის ნახევარფინალში გავიდა

იტალიის თასის ¼-ფინალში რომაული დერბი შედგა - ერთმანეთს ლაციო და რომა დაუპირისპირდნენ.

 

შეხვედრა ტრადიციულად სტადიო ოლიმპიკოზე გაიმართა და არწივების გამარჯვებით 1:0 დასრულდა.

 

ერთადერთი გოლი 51-ე წუთზე ზაკანიმ პენალტის ნიშნულიდან გაიტანა, რის ხარჯზეც მაურიციო სარის გუნდმა ზედიზედ მე-4 წაუგებელი დერბი ჩაატარა.

 

მატჩის მიწურულს ჯერ ლაციო დარჩა 10 კაცით როცა პედრო გააძევეს, შემდეგ კი რომას სედად აზმუნი მიაბრძანეს ნაადრევად და ორივე გუნდმა კაცნაკლულად დაასრულა შეხვედრა.

 

ამ გამარჯვებით ლაციო იტალიის თასის ნახევარფინალში გავიდა, სადაც იუვენტუსი - ფროზინონეს წყვილის გამარჯვებულს შეხვდება.