მესი არგენტინის ნაკრებს მარტის თამაშებში ვერ დაეხმარება

ლეო მესი მარტის თამაშებში არგენტინის ნაკრებს ვერ დაეხმარება.

2026 წლის მუნდიალის შესარჩევი ეტაპის მატჩებში არგენტინა ურუგვაის და ბრაზილიას დაუპირისპირდება.

მესი ნაკრების გაფართოვებულ განაცხადში ირიცხებოდა, თუმცა ტრავმის გამო საბოლოო განაცხადიდან ამოვარდა.

მსოფლიოს მოქმედი ჩემპიონი ურუგვაის 22 მარტს შეხვდება, ბრაზილიას კი - 26-ში. 

ვერ მოხვდა ნაკრების განაცხადში პაულო დიბალაც, რომელმაც დაზიანება კალიარისთან მატჩში მიიღო და დაახლოებით 1 თვეს გამოტოვებს.