მონპელიეს 1/4 ფინალში გასვლით ბასილაშვილი რეიტინგში დიდ ნახტომს გააკეთებს

ხანგრძლივი პაუზის შემდეგ, ნიკოლოზ ბასილაშვილმა ATP-ის ეგიდით გამართულ ტურნირზე შეძლო 1/4 ფინალამდე მისვლა.

ქართველმა ტურნირზე მოსახვედრად საკვალიფიკაციო ეტაპი გაიარა და შემდეგ უშუალოდ ძირითად ბადეში ორი მეტოქის ბარიერიც გადალახა.

1/4 ფინალში ბასილას მეტოქე მისთვის კარგად ნაცნობი ანდრეი რუბლევი იყო, თუმცა მათ შორის ბრძოლა ვერ შედგა - პირველ სეტში, როცა ანგარიში 2:5 გახდა, ქართველმა დაზიანების გამო თამაშის გაგრძელება ვერ მოახერხა და დანებდა.

აღსანიშნავია, რომ ამ ტურნირის დაწყებამდე ქართველი რეიტინგში 178-ე პოზიციას იკავებდა, მონპელიეს 250-იან ტურნირზე მეოთხედფინალში გასვლით კი 60 ქულა დაემატება და ორშაბათს, განახლებულ რეიტინგში ნიკოლოზი 146-ე პოზიციაზე გადავა.