სიახლეები
სეტანტა
სპორტის გურუ
ქვიზები
Copyright © 2023 Adjarabet Arena. All Rights Reserved.
-
Aa
+
ფონტის ზომა
რაფაელ ვარანი სერიზოულად განიხილავს საფეხბურთო კარიერის დასრულებას და ის ოფიციალურ გადაწყვეტილებას მალე გამოაცხადებს.
ფრანგმა მცველმა სეზონის დასაწყისში მძიმე ტრავმა მიიღო. ის ზაფხულში იტალიური კომოს წევრი გახდა, თუმცა ახლა კლუბის დატოვებას და საერთოდაც კარიერის დასრულებას აპირებს. - აღნიშნულ ინფორმაციას ფრანგული Le Parisien და იტალიელი ჟურნალისტი ფაბრიციო რომანო ავრცელებენ.
ვარანმა კარიერა ფრანგულ ლანსში დაიწყო, საიდანაც 2011 წელს მადრიდის რეალში გადავიდა და იქ 10 წელი გაატარა, 2021-დან 2024 წლამდე კი რაფა მანჩესტერ იუნაიტედის ღირსებას იცავდა, წელს ის სესკ ფაბრეგასის კომოს შეუერთდა, თუმცა მალევე მძიმე ტრავმა მიიღო და სერია ა-ში თამაში ვერ მოასწრო.
31 წლის ფეხბურთელს საკლუბო კარიერაში ლა ლიგა (3), კოპა დელ რეი (1), ესპანეთის სუპერთასი (3), ჩემპიონთა ლიგა (4), უეფას სუპერ თასი (3), ფიფას საკლუბო მსოფლიო ჩემპიონატი (4), FA თასი (1) და EFL თასი (1) აქვს მოგებული.
ვარანმა საფრანგეთის ნაკრებში 2013-დან 2022 წლამდე 93 მატჩი ჩაატარა და 5 გოლი გაიტანა, გუნდთან ერთად კი მსოფლიო ჩემპიონატი და უეფას ერთა ლიგა მოიგო.
თ
თაზო ჩარკვიანი
კომენტარები