"ნაგელსმანის შეცვლა 2026 წელს?", - კლოპს ნაკრებში შესაძლო დანიშვნაზე ჰკითხეს

ლივერპულის ყოფილმა მწვრთნელმა, იურგენ კლოპმა, გერმანიის ნაკრების სათავეში იულიან ნაგელსმანის ჩანაცვლებაზე ისაუბრა.

ნაგელსმანს ბუნდესნაკრებთან ხელშეკრულება 2026 წლის მუნდიალის ჩათვლით აქვს გაფორმებული.

„ნაგელსმანის ჩემით ჩანაცვლება ნაკრების სათავეში 2026 წელს? ყველას დიდი იმედი აქვს, რომ იულიანი ნაკრების მწვრთნელად 2026-ს შემდეგ კიდევ ძალიან, ძალიან დიდხანს დარჩება." - აღნიშნა კლოპმა.

შეგახსენებთ, რომ თავად იურგენმა გასული სეზონის ბოლოს ლივერპული დატოვა და მინიმუმ ერთწლიანი შვებულება აიღო.