ნაპოლი და მერეტი ახალ კონტრაქტზე საუბრობენ

იტალიელი სპორტული ჟურნალისტის ფაბრიციო რომანოს ინფორმაციით, ნაპოლისა და ალექს მერეტს შორის ახალ კონტრაქტთან დაკავშირებით მოლაპარაკებები მიმდინარეობს.

მხარეებს შორის ორი ვარიანტი განიხილება: კონტრაქტი 2027 წლის ივნისამდე 2028 წლამდე გახანგრძლივების პერსპექტივით ან კონტრაქტი პირდაპირ 2028 წლის ივნისამდე.

სერია ა-ს მიმდინარე სეზონში მერეტმა კარი მშრალად 7-ჯერ შეინახა. მას ანტონიო კონტესთან ბრწყინვალე ურთიერთობა აქვს.

იტალიელი მეკარე ნაპოლის კარს 2018 წლიდან იცავს. მას იტალიის ნაკრებში 3 მატჩი აქვს ჩატარებული.