ნაპოლიმ კვარას გარეშე ფლორენციაში გაილაღა

სერია ა-ს მე-19 ტურში ნაპოლიმ სტუმრად ფიორენტინა გაანადგურა.

ხვიჩა კვარაცხელიამ მატჩი კუნთის დისკომფორტის გამო გამოტოვა, თუმცა მისი არყოფნის მიუხედავად, ნაპოლის გამარჯვება არ გასჭირვებია და მატჩი 3:0 მოიგო.

29-ე წუთზე რომელუ ლუკაკუმ დავიდ ნერეშს გაატანინა, 54-ზე თავად მოახერხა თერთმეტმეტრიანიდან თავის გამოჩენა, 68-ზე კი სკოტ მაკტომინეიმ მატჩში წერტილი დასვა.

ამრიგად, ნაპოლიმ 44 ქულა დააგროვა და ცხრილს სათავეში ჩაუდგა, თუმცა ინტერმა, რომელსაც 4 ქულით ნაკლები აქვს, 2 მატჩი აქვს ჩასატარებელი.

ფიორენტინამ კი დიდებული გამარჯვებები სერიის შემდეგ სერია ა-ში ზედიზედ მე-4 მატჩი ვერ მოიგო და 32 ქულით მე-6 პოზიციამდე ჩამოქვეითდა.