კვარაცხელიასა და პოლიტანოს გარეშე - კონტეს დანაკლისი აქვს

იტალიის სერია ა-ს მე-19 ტურში ნაპოლი ფიორენტინას ესტუმრება. ანტონიო კონტეს გუნდი ამ მატჩს მნიშვნელოვანი დანაკლისით ხვდება.

"ფლორენციაში პოლიტანო და კვარაცხელია არ იქნებიან. ასეთი გაუთვალისწინებელი ამბები ფეხბურთის ნაწილია". - განაცხადა იტალიელმა სპეციალისტმა.

ნაპოლის ასევე ალესანდო ბონჯორნო დააკლდება.

Geo Team-ის ინფორმაციით, ქართველი შემტევი ფიორენტინასთან მატჩს კუნთის პრობლემის გამო გამოტოვებს.

გუნდებს შორის შეხვედრა 4 იანვარს, 21:00 საათზე გაიმართება. ნაპოლი 41 ქულით ატალანტასთან ერთად სერია ა-ს თანალიდერია, ფიორენტინა კი 32 ქულით მე-5 ადგილზეა.