ნეიმარი კვლავ სკანდალში: რატომ თქვა უარი პრინციპულ მატჩზე?

სანტოსისა და პალმეირას დაპირისპირება 1-1 დასრულდა, თუმცა მატჩის მთავარი თემა ნეიმარის არყოფნა იყო.

34 წლის ვარსკვლავმა, რომელიც მსოფლიო ჩემპიონატისთვის ფორმის აღდგენას ცდილობს, კატეგორიული უარი თქვა ალიანც პარკის მოედანზე გასვლაზე. მიზეზი ხელოვნური საფარია, რომელსაც ნეიმარი აბსურდულსა და ფეხბურთელებისთვის საშიშს უწოდებს.

ბრძოლა საფარის წინააღმდეგ

ნეიმარი დიდი ხანია, რაც ბრაზილიაში ხელოვნური საფარის აკრძალვის კამპანიას უდგას სათავეში. მისი თქმით, ელიტარულ ფეხბურთში ამ ტიპის მოედნებს ადგილი არ აქვს.

ალიანსზე თამაში ჩემთვის პრაქტიკულად შეუძლებელია. ხელოვნურ ბალახზე თამაში ერთ-ერთი ყველაზე შემაწუხებელი ფაქტორია, განურჩევლად ჩემი ტრავმებისა. ბრაზილიური ფეხბურთის მიმართულება მაშფოთებს – აბსურდია, როცა ხელოვნურ მოედნებზე გვიწევს საუბარი

დრო იწურება: ანჩელოტის მოთმინება

ეს გადაწყვეტილება განსაკუთრებით სარისკოა იმ ფონზე, როდესაც ნეიმარი კარლო ანჩელოტის ნდობის მოპოვებას ცდილობს. ბრაზილიის ნაკრების მთავარმა მწვრთნელმა მსოფლიო ჩემპიონატისთვის საბოლოო შემადგენლობა 18 მაისს უნდა დაასახელოს.

ნეიმარს სულ ოთხი მატჩი დარჩა, რათა დაამტკიცოს, რომ ჯერ კიდევ შეუძლია ნაკრების დახმარება. მიუხედავად იმისა, რომ ის ნაკრების ყველა დროის საუკეთესო ბომბარდირია (79 გოლი), 2023 წლის ოქტომბრის შემდეგ ეროვნული გუნდის მაისური არ მოურგია. მისთვის თითოეული მატჩი კარიერის ბოლო გასვლაა, ამიტომ სტადიონის არჩევანის გამო თამაშზე უარის თქმა შესაძლოა ანჩელოტის თვალში ძალიან ძვირი დაუჯდეს.