ნიკო უილიამსის წარმომადგენელი არსენალის ახალ სპორტულ დირექტორს შეხვდა

გასულ ზაფხულს ნიკო უილიამსით ფეხბურთის გრანდები, პსჟ და განსაკუთრებით ბარსელონა ინტერესდებოდა, თუმცა საბოლოოდ ესპანეთის ნაკრების შემტევი მშობლიურ ატლეტიკ ბილბაოში დარჩა.

FootMercato-ს ჟურნალისტის, სანტი აუნას ინფორმაციით, რამდენიმე დღის წინ არსენალის ახალი სპორტული დირექტორი, ანდრეა ბერტა ფეხბურთელის წარმომადგენლებს შეხვდა.

ამ ეტაპზე შეხვედრის დეტალები უცნობია, თუმცა სავარაუდოდ, მხარეები პოტენციურ ტრანსფერზე აწარმოებდნენ მოლაპარაკებებს.

ამ სეზონში უმცროსმა უილიამსმა 37 მატჩში 9 გოლი და 7 საგოლე გადაცემა მიითვალა.