ნოტინგემმა ისტორიული შედეგი გაიმეორა

ინგლისის პრემიერ ლიგის მე-20 ტურში ნოტინგემი ვულვზს ესტუმრა და მეტოქე 0-3 დაამარცხა. ფორესტის მხრიდან გოლები მორგან გიბს-უაითმა, კრის ვუდმა და ტაივო ავონიმ გაიტანეს.

ნუნუ ეშპირიტუ სანტუს გუნდმა პრემიერ ლიგაში ზედიზედ მე-6 მატჩი მოიგო, რაც ნოტინგემის ისტორიაში 1966/67 წლების სეზონის შემდეგ პირველად მოხდა.

ფორესტმა ზედიზედ მანჩესტერ იუნაიტედი, ასტონ ვილა, ბრენტფორდი, ტოტენჰემი, ევერტონი და ვულვზი დაამარცხა.

ნოტინგემი 20 მატჩში დაგროვებული 40 ქულით პრემიერ ლიგის სატურნირო ცხრილში არსენალთან ერთად მე-2 და მე-3 ადგილს იყოფს. ლიდერ ლივერპულთან ჩამორჩენა 6 ქულაა.