ნოვაკ ჯოკოვიჩი ამერიკის ღია პირველობას სენსაციურად გამოეთიშა

ამერიკის ღია პირველობის მე-3 წრეში ნოვაკ ჯოკოვიჩმა სენსაციური მარცხი იწვნია.

ლეგენდარული სერბის მეტოქე ავსტრალიელი ალექსეი პოპირინი იყო, რომელმაც ნოვაკს 4 სეტში, 6:4 6:4 2:6 6:4 სამ საათსა და 20 წუთში მოუგო.

ამრიგად, ბოლო 24 საათში ამერიკის ღია პირველობიდან მე-2 და მე-3 ნომრად განთესილი ჩოგბურთელები, ნოვაკ ჯოკოვიჩი და კარლოს ალკარასი გამოვარდნენ.

2017 წლის შემდეგ პირველად მოხდა, რომ ჯოკოვიჩი საჩოგბურთო სეზონს გრენდ სლემის გარეშე ჩაამთავრებს - თავისი ერთადერთი ტიტული სერბმა ამ სეზონში პარიზის ოლიმპიურ თამაშებზე მოიპოვა.